本命年(1)

我既傑作，有血有汗蘿蔔糕。

今年鼠年係我既本命年，有啲嘢係咪可以唔信呢？鼠年過咗一個月啫，係我身上就發生咗两件小小既不幸事件。

六天前唔見咗個電話，不過又有啲開心咁有個新電話用，有啲麻煩係要慢慢咁入翻啲電話號碼。超鐘意食蘿蔔糕，買嗰啲通常唔好食，於是今日就自己整蘿蔔糕，點知切腊腸時切親隻手指。不過整得幾好食，只係濃味咗啲，落多咗糖同鹽。好喇，要整多次，整得啱口味啲。

今次係我第一次唔見電話。我係輪盡，揸刀容易切親自己，不過好耐無整親囉喎，係咪有啲黑仔呢？鼠年仲有十一個月，睇吓點啦。