本來今天放工後不太想去游水，不過諗吓最近肥咗，而天氣轉泠泳池無咁多人啩，泊好部車掙扎咗一陣，就狠下决心入去泳池游水。
入到去泳池見到都唔係好少人喎，泳池小小有十幾個人呀！觀察咗一陣，揀咗條只有兩個人正在游水既泳道就開始係咁游囉，有時會被人阻住而要停一停避一避或者轉小小方向才可繼續游。點知突然撞到個亦係不停咁游既女人，撞到我好痛呀！心諗佢有無搞錯呀，唔睇人架！不過自己都無睇到佢喎，唔理啦，帶住痛繼續游囉。游游吓唔知點解自己停低咗，就见到泳池邊有個嬲樣既女人等住咁對我講：“你亂咁游架，大家都要靠左游家嘛！我被你撞到泳鏡跌咗，差啲浸親呀！”咁我話：“對唔住喎，我唔係故意撞你架。我係靠左游架，頭先要避人先至游歪咗撞親你啫，對唔住囉。你知唔知你都撞到我好痛呀！”佢又話：“你爬頭之嘛！”咁我又話：“爬咩頭吖，人人都係咁樣游架啦！”我心諗我只係以游水嚟鍛練身體，泳速快極有限既泳術，又點會係想爬頭呢！咁唔通前面既人蟻欄咁慢，我都要跟住佢囉喎。有啲被人誤解既感覺。話時話吖，呢個泳池無指示牌話要人靠左游個喎！真係想講多句：唔游喇！俾曬你游囉！不過真係唔想係公眾場合為啲咁少既事同人鬧交呀。只好擰擰頭，帶住不快既心情提早離開泳池。睇嚟就算係冬天都要八點之後，泳客再少啲既時間才嚟泳池游水咯。
泳池內互相撞親吓係經常發生既小事，點都無諗到會被人追住嚟教訓，好似剩係我錯咁！怪都只係怪我地两個都游得太認真太投入囉！其實呢個係公眾游池內難以避免亦難以分辯誰對誰錯既小意外，只要互相包容一下，講聲對唔住，然後檢討一下，睇吓以後大家可唔可以小心啲，咁件事咪過咗去囉。
我覺得人很多時都係自以為是架，好似年紀越大越係咁添。我地會以自己既想法猜度別人，唔清楚件事既來龍去脉，亦唔清楚別人既諗法，然後就發表誰對誰錯既意见，咁唔真實既故事就傳開去啦。希望自己唔係一個咁自以為是既人啦。
2007年11月11日星期日
充實的周末
昨天星期六参加了六小時關於精神疾患既課程，聽完後感覺很好。好喇，憑記憶摘錄一些精神科醫生既演講內容同我既感受吖。
真係好享受昨天上午精神科醫生所講既內容。按照編排佢要講關於焦慮症，不過一開始佢就話講Powerpoint 既內容好悶架，首先講佢想講既嘢。佢用水筆係白板劃一個大圈代表正常人群，一個細圈代表精神科醫生處理既病人，處於两個圈重叠而被塗黑既小部分人係唔會見精神科醫生，而佢哋才是最危險同最值得關顧既人群。這部分人全部屬於全科醫生既病人，有些經全科醫生及時處理可回復正常，有些病人經全科醫生及時轉介至精神科可得到早期冶療。無人無煩惱架，唔可以同朋友、親人講，咁佢哋首先會揾既醫生係全科醫生。佢帶住感慨咁講，在精神科醫生手上既病人差唔多全部都唔可以回復正常架喇。精神科閂咗好似對社會無咩影响，衛生中心就唔得啦。
我地全科醫生担當守門員角色，做住預防和早期診治疾病.....等等唔可以很快顯效既工作，很難得其他科既專家講呢一番我哋全科醫生係如此重要既說話，對我哋真係好有鼓舞作用呀！
佢講咗一啲醫生對待病人應有既態度。佢話要抱住醫生與病人都同樣係人既平等心態對待病人，體諒一些惡劣態度既病人，咁我哋會有良好既醫患關係。
佢又分享咗一些佢臨床所見既真實個案。好似天才與精神病有着密切關係既個案啦。我慶幸我係普通人呀！又好似童年期被親人虐待而嚴重影响心理成長既個案啦.....等等。另外佢又話每個人都係自戀架，睇吓係咩既程度啫。
最後他才進入原本要講既主題。佢話啲咩美國既、國際性既焦慮症診斷標準，都係為咗要發表論文時才會完全用到。臨床工作中診斷焦慮症最主要都係根據病人主觀感覺同醫生既主觀判斷。
呢個精神科醫生可能沒有傳統地、詳細地講述如何診治焦慮症，不過佢帶俾我哋既係具啟發性既訊息。有啲可惜既係由於佢講得較快而帶北京口音既普通話，有時我哋聽唔明。希望澳門留得住呢啲咁有 Heart 既輸入專才啦。
下午既精神科醫生則較系統和簡明地講述憂郁症既分類和診治。佢話精神病係靠觀察病人和傾談手段來診斷，因此予病人温暖感覺為開始既溝通技巧很重要。佢同樣強調精神病診斷都主要係靠醫生既主覲判斷；佢話根據估計精神病在未來將會係第ニ位既死亡原因。佢鼓勵我哋全科醫生可以大胆應用治療憂郁症既藥物，推薦咗一些較安全和容易掌握既藥物。佢講既內容好實際，都好有收獲呀。
而今天星期日上午游完水後，食咗早餐，就去街市買咗一些鷄、米粉......等等。中午用西藏買回來既松茸菌、鷄、加少許火腿和干冬菇，泡制咗有自我味道既松茸菌鷄湯米粉，好好味呀！我諗我真係有啲入厨天份架！今日又睇咗一些與現正修讀課程有關既書，今晚要参加一位同事既婚宴，又寫咗呢個咁長既 Blog。真係過咗一個好充實和無雜念既周末，希望咁平靜既思緒可以繼續下去啦！
真係好享受昨天上午精神科醫生所講既內容。按照編排佢要講關於焦慮症，不過一開始佢就話講Powerpoint 既內容好悶架，首先講佢想講既嘢。佢用水筆係白板劃一個大圈代表正常人群，一個細圈代表精神科醫生處理既病人，處於两個圈重叠而被塗黑既小部分人係唔會見精神科醫生，而佢哋才是最危險同最值得關顧既人群。這部分人全部屬於全科醫生既病人，有些經全科醫生及時處理可回復正常，有些病人經全科醫生及時轉介至精神科可得到早期冶療。無人無煩惱架，唔可以同朋友、親人講，咁佢哋首先會揾既醫生係全科醫生。佢帶住感慨咁講，在精神科醫生手上既病人差唔多全部都唔可以回復正常架喇。精神科閂咗好似對社會無咩影响，衛生中心就唔得啦。
我地全科醫生担當守門員角色，做住預防和早期診治疾病.....等等唔可以很快顯效既工作，很難得其他科既專家講呢一番我哋全科醫生係如此重要既說話，對我哋真係好有鼓舞作用呀！
佢講咗一啲醫生對待病人應有既態度。佢話要抱住醫生與病人都同樣係人既平等心態對待病人，體諒一些惡劣態度既病人，咁我哋會有良好既醫患關係。
佢又分享咗一些佢臨床所見既真實個案。好似天才與精神病有着密切關係既個案啦。我慶幸我係普通人呀！又好似童年期被親人虐待而嚴重影响心理成長既個案啦.....等等。另外佢又話每個人都係自戀架，睇吓係咩既程度啫。
最後他才進入原本要講既主題。佢話啲咩美國既、國際性既焦慮症診斷標準，都係為咗要發表論文時才會完全用到。臨床工作中診斷焦慮症最主要都係根據病人主觀感覺同醫生既主觀判斷。
呢個精神科醫生可能沒有傳統地、詳細地講述如何診治焦慮症，不過佢帶俾我哋既係具啟發性既訊息。有啲可惜既係由於佢講得較快而帶北京口音既普通話，有時我哋聽唔明。希望澳門留得住呢啲咁有 Heart 既輸入專才啦。
下午既精神科醫生則較系統和簡明地講述憂郁症既分類和診治。佢話精神病係靠觀察病人和傾談手段來診斷，因此予病人温暖感覺為開始既溝通技巧很重要。佢同樣強調精神病診斷都主要係靠醫生既主覲判斷；佢話根據估計精神病在未來將會係第ニ位既死亡原因。佢鼓勵我哋全科醫生可以大胆應用治療憂郁症既藥物，推薦咗一些較安全和容易掌握既藥物。佢講既內容好實際，都好有收獲呀。
而今天星期日上午游完水後，食咗早餐，就去街市買咗一些鷄、米粉......等等。中午用西藏買回來既松茸菌、鷄、加少許火腿和干冬菇，泡制咗有自我味道既松茸菌鷄湯米粉，好好味呀！我諗我真係有啲入厨天份架！今日又睇咗一些與現正修讀課程有關既書，今晚要参加一位同事既婚宴，又寫咗呢個咁長既 Blog。真係過咗一個好充實和無雜念既周末，希望咁平靜既思緒可以繼續下去啦！
2007年11月6日星期二
要活得開心
這两天聽到令人感動既故事，亦聽到令人傷感既消息。
昨天在可以喘息既上班時間，有位同事告訴我一個人間有情既故事。這位同事有個已懷孕後期既明友於今年9月份去香港上課而與丈夫於博扶林道上，而突然間丈夫轉頭看見妻子已倒下。原來一部車撞跌一支燈柱，而不幸地燈柱剛好打着這個腹大便便既孕婦。係突發而令人不知所措既時刻，一個人衝過來說："我係婦產科醫生"，並檢視孕婦後告知BB無事。而差不多同一時間因駕車經過自稱救護員並提着急救箱既人上前協助。當時一個駕住保時捷既會計師亦很快地幫忙追赶這架撞倒燈柱既車，由於危險因素唔可以繼續追，不過這個好心人記下部車既車牌號碼，又跟去警局錄口供。遭遇意外既孕婦要係瑪麗醫院做開顱手術，大清楚為什麼，三十萬手術費瑪麗醫院只收了五萬。為咗更好跟進病情，上個月這位孕婦選擇於瑪麗醫院誕下BB。孕婦既丈夫話係意外發生既時刻，佢覺得好似有三個天使突然降臨人間。
我覺得兩個經過並迅速幫忙既醫護人員好有專業精神呀！係呢個咁商業化既社會亦好難得有咁熱心揸保時捷既好心人呀！希望人間有越來越多既天使，我諗我地應該學做天使呀！
而今天有個不幸既消息，一位資深既同僚昨晚因急性白血病在葡國逝世，發病很急，走得亦很快。雖然我與他不很熟，覺得他是一個樂觀既人，但亦逃不過死神既召喚。不久前才聽過他的 Medical Talk，他離世既事實似乎令人難以置信。很可惜在他擁有豐富專業知識和經驗既壯年就終結咗人生旅程。很可惜我地失去一位服務澳門市民多年既醫生。
我地唔知可唔可以大難不死，亦唔知會唔會明天或者後天就同呢個世界 Bye Bye，咁又有咩煩惱同唔開心既事係大不了既呢。真係要活得開心、豁達、和潚洒呀！
昨天在可以喘息既上班時間，有位同事告訴我一個人間有情既故事。這位同事有個已懷孕後期既明友於今年9月份去香港上課而與丈夫於博扶林道上，而突然間丈夫轉頭看見妻子已倒下。原來一部車撞跌一支燈柱，而不幸地燈柱剛好打着這個腹大便便既孕婦。係突發而令人不知所措既時刻，一個人衝過來說："我係婦產科醫生"，並檢視孕婦後告知BB無事。而差不多同一時間因駕車經過自稱救護員並提着急救箱既人上前協助。當時一個駕住保時捷既會計師亦很快地幫忙追赶這架撞倒燈柱既車，由於危險因素唔可以繼續追，不過這個好心人記下部車既車牌號碼，又跟去警局錄口供。遭遇意外既孕婦要係瑪麗醫院做開顱手術，大清楚為什麼，三十萬手術費瑪麗醫院只收了五萬。為咗更好跟進病情，上個月這位孕婦選擇於瑪麗醫院誕下BB。孕婦既丈夫話係意外發生既時刻，佢覺得好似有三個天使突然降臨人間。
我覺得兩個經過並迅速幫忙既醫護人員好有專業精神呀！係呢個咁商業化既社會亦好難得有咁熱心揸保時捷既好心人呀！希望人間有越來越多既天使，我諗我地應該學做天使呀！
而今天有個不幸既消息，一位資深既同僚昨晚因急性白血病在葡國逝世，發病很急，走得亦很快。雖然我與他不很熟，覺得他是一個樂觀既人，但亦逃不過死神既召喚。不久前才聽過他的 Medical Talk，他離世既事實似乎令人難以置信。很可惜在他擁有豐富專業知識和經驗既壯年就終結咗人生旅程。很可惜我地失去一位服務澳門市民多年既醫生。
我地唔知可唔可以大難不死，亦唔知會唔會明天或者後天就同呢個世界 Bye Bye，咁又有咩煩惱同唔開心既事係大不了既呢。真係要活得開心、豁達、和潚洒呀！
2007年11月2日星期五
2007年10月10日星期三
延續放假心情
西藏回來差不多一個星期啦。這二十天旅程要對抗高原反應及有時要忍受寒冷天氣，辛苦架！不過心情好 Relax 呀！當旅程完畢踏足澳門時，心情就開始有啲沉重啦，真係咩都唔想做呀！行李未執好，衫未洗曬，啲相未整理過呀！真係唔捨得旅行時既無壓力無重狀態呀！
好啦，唔想理就唔理住。昨天傍晚放工一個人包池咁游咗一個小時水，個救生員可能有啲寂寞咁撩我講嘢，我唔鬼睬佢，只係不停咁游。之後翻屋企睇咗部電影"Gloomy Sunday"，睇陶傑既散文知道呢部電影，佢讚過女主角靚到暈。這部電影把布達佩斯拍得非常古典浪漫。東歐我去過捷克、匈牙利、和波蘭，我都覺得這幾個國家充滿着古樸既建築和浪漫既氣氛，我還想去其他東歐國家呀。這部電影既音樂和歌曲好優美，女主角美得優雅而非常誘惑，不過三個男主角外表就平凡咗啲。故事講两男一女順其自然既和諧感情關係，講猶太人悲哀既命運同佢地堅持既尊嚴，而女主角却為救两個心愛既男人而放下自己既尊嚴，不過都帮唔到佢地。故事亦講卑鄙既納粹德軍，這個卑鄙既男人於八十歲生日時重遊布達佩斯，最後死於女主角既佈局中。部電影想講好多嘢呀！唔想駁古，只想享受投入於電影中两小時既 Relax。
好喇，有啲嘢真係要做架啦！要執翻好啲行李，執拾幾亂既屋，整理千幾張既相，修剪平台既草和竹樹.......等等，記住要換葡國護照呀！仲有要睇正經既書啦！十一、十二月既星期六有好多課要上呀！
好啦，唔想理就唔理住。昨天傍晚放工一個人包池咁游咗一個小時水，個救生員可能有啲寂寞咁撩我講嘢，我唔鬼睬佢，只係不停咁游。之後翻屋企睇咗部電影"Gloomy Sunday"，睇陶傑既散文知道呢部電影，佢讚過女主角靚到暈。這部電影把布達佩斯拍得非常古典浪漫。東歐我去過捷克、匈牙利、和波蘭，我都覺得這幾個國家充滿着古樸既建築和浪漫既氣氛，我還想去其他東歐國家呀。這部電影既音樂和歌曲好優美，女主角美得優雅而非常誘惑，不過三個男主角外表就平凡咗啲。故事講两男一女順其自然既和諧感情關係，講猶太人悲哀既命運同佢地堅持既尊嚴，而女主角却為救两個心愛既男人而放下自己既尊嚴，不過都帮唔到佢地。故事亦講卑鄙既納粹德軍，這個卑鄙既男人於八十歲生日時重遊布達佩斯，最後死於女主角既佈局中。部電影想講好多嘢呀！唔想駁古，只想享受投入於電影中两小時既 Relax。
好喇，有啲嘢真係要做架啦！要執翻好啲行李，執拾幾亂既屋，整理千幾張既相，修剪平台既草和竹樹.......等等，記住要換葡國護照呀！仲有要睇正經既書啦！十一、十二月既星期六有好多課要上呀！
2007年10月7日星期日
朋友的婚宴
昨晚参加了朋友的婚宴。看見朋友這一年來忙碌地装修房子準備結婚，還有去西藏前朋友千叮萬囑要我們回來参加他的婚宴，而昨晚感受到朋友認真投入準備婚禮既成果。在婚禮主角既親友鼎力支持下，前晚漏夜用很多白色花布置既婚宴現塲；晚宴前放映着新娘新郎於嬰兒、幼兒、小學、中學、大學、旅行、潛水時等等既生活照片；有新郎新娘答謝親人朋友既發言；還有其他婚禮必要既細節。似乎不只是向長輩朋友交代既例行婚禮，感受到亦係這對朋友對人生新一頁充滿期待而用心準備既婚禮。
很久沒有参加朋友的婚禮了。在同輩朋友中，已婚的結婚已多年了，亦有已離婚既朋友，亦有朋友正在對抗着人生中的不幸，喜事不會很多了。這對剛結婚既朋友比我年輕很多，看來要認識多一些比自己年輕既朋友，感染多一些年青人既朝氣。祝這對新婚朋友白頭到老呀！
很久沒有参加朋友的婚禮了。在同輩朋友中，已婚的結婚已多年了，亦有已離婚既朋友，亦有朋友正在對抗着人生中的不幸，喜事不會很多了。這對剛結婚既朋友比我年輕很多，看來要認識多一些比自己年輕既朋友，感染多一些年青人既朝氣。祝這對新婚朋友白頭到老呀！
2007年9月14日星期五
出發前
明天上午就出發去西藏啦！真係有啲緊張呀。
比較其他很多人，我諗我算係旅行過很多地方啩。對於出發前既心情，就算係從未去過既地方，己經唔會很雀躍和興奮。不過今次唔同呀，我要去氧氣濃度只有平原百分之七十或更少既五千多米高既高原，又會去珠峰營地住一晚喎！有啲擔心會有較嚴重既高山症同好辛苦，不過又好興奮同期待呀！有接受挑戰、接受任何結果既滿足感，點都要起碼去一次架啦！
旅行除了吃喝玩樂同参觀旅遊景點，其實還有其他無形既收獲可以一生受用架。我唔鍾意睇歴史同地理書架，當編排行程和看地圖時就會知多啲地理知識。参觀波蘭既猶太人集中營同赤柬監獄時，就會深刻感受一啲殘酷歴史。去到落後既地方，感受當地人既生活，對比之下我會覺得自己好幸福，人會變得知足同容易開心。與旅行伙伴既相處，抱着輕松既態度，又可以從中彼此了解多啲及有所領悟。旅途中無論開心同唔開心既經歴，只要以正面既心態面對就會明白自己多啲，同學習到多一啲既嘢。
係西藏呢個令人好奇既佛教聖地，周圍係不知軀體痛苦不斷五體投地既佛教徒，我會唔會又有一啲新既或加深某些既人生領悟呢？今次應該會看到很多人間淨土般既仙景，又可以脫離現實三個星期啦！不過唔可以咁忘形地興奮呀，咁好容易得高山症架！今次亦係對自己耐力、毅力、同EQ既考驗之旅，希望在旅途中可以 Refresh 到自己同獲得更多積極生活既能量啦！
比較其他很多人，我諗我算係旅行過很多地方啩。對於出發前既心情，就算係從未去過既地方，己經唔會很雀躍和興奮。不過今次唔同呀，我要去氧氣濃度只有平原百分之七十或更少既五千多米高既高原，又會去珠峰營地住一晚喎！有啲擔心會有較嚴重既高山症同好辛苦，不過又好興奮同期待呀！有接受挑戰、接受任何結果既滿足感，點都要起碼去一次架啦！
旅行除了吃喝玩樂同参觀旅遊景點，其實還有其他無形既收獲可以一生受用架。我唔鍾意睇歴史同地理書架，當編排行程和看地圖時就會知多啲地理知識。参觀波蘭既猶太人集中營同赤柬監獄時，就會深刻感受一啲殘酷歴史。去到落後既地方，感受當地人既生活，對比之下我會覺得自己好幸福，人會變得知足同容易開心。與旅行伙伴既相處，抱着輕松既態度，又可以從中彼此了解多啲及有所領悟。旅途中無論開心同唔開心既經歴，只要以正面既心態面對就會明白自己多啲，同學習到多一啲既嘢。
係西藏呢個令人好奇既佛教聖地，周圍係不知軀體痛苦不斷五體投地既佛教徒，我會唔會又有一啲新既或加深某些既人生領悟呢？今次應該會看到很多人間淨土般既仙景，又可以脫離現實三個星期啦！不過唔可以咁忘形地興奮呀，咁好容易得高山症架！今次亦係對自己耐力、毅力、同EQ既考驗之旅，希望在旅途中可以 Refresh 到自己同獲得更多積極生活既能量啦！
2007年9月2日星期日
2007年8月31日星期五
享受潚灑與浪漫
有朋友將去埃及旅遊和潛水，十六天的行程安排得密密麻麻。其中包括遊覧很多及偏遠既古迹、紅海既船潛及駱駝潛、沙漠既駱駝之旅、紅海邊既露營、夜行西奈山.......等等。好似唔駛正正經經訓覺咁，好似埃及之旅只係此生一次咁。我去過埃及三次啦，佢地有D行程我都未去過呀！好啦，希望佢地玩得開心D！
好回味六年前與三個朋友既埃及之旅。大家都年紀不少啦，只係買咗來回機票，其中一個朋友好細心咁準備有關埃及既歷史、古迹、旅遊等資料，我就買咗本Lonely Planet - Egyt，四條友四個背囊在年廿九就出發去咗19天既埃及之旅。旅途中討論詳細既行程、找旅舘、找車站、坐十四小時長途巴士由樂蜀去西奈、與樂天又有點狡猾及貪錢既埃及人溝通、但又遇過老實既的士司機。在開羅遇上熱情既韓國餐廳老板娘，為了趕搭飛機，提前開門為我們奉上滋味既酸辣湯麵。在尼羅河郵輪上認識在埃及做生意既中國人，在他們家中作客享受美味既中國餐，又載我們在開羅遊車河。沒有周密計劃既背囊之旅，有D辛苦，但只要随遇而安，真係充滿刺激和意外驚喜架！
好回味六年前與三個朋友既埃及之旅。大家都年紀不少啦，只係買咗來回機票，其中一個朋友好細心咁準備有關埃及既歷史、古迹、旅遊等資料，我就買咗本Lonely Planet - Egyt，四條友四個背囊在年廿九就出發去咗19天既埃及之旅。旅途中討論詳細既行程、找旅舘、找車站、坐十四小時長途巴士由樂蜀去西奈、與樂天又有點狡猾及貪錢既埃及人溝通、但又遇過老實既的士司機。在開羅遇上熱情既韓國餐廳老板娘，為了趕搭飛機，提前開門為我們奉上滋味既酸辣湯麵。在尼羅河郵輪上認識在埃及做生意既中國人，在他們家中作客享受美味既中國餐，又載我們在開羅遊車河。沒有周密計劃既背囊之旅，有D辛苦，但只要随遇而安，真係充滿刺激和意外驚喜架！
亦記得在埃及一些浪漫時光。在西奈Dahab既某一晚，我們三個女性朋友跟住旅行社既老板兼導遊坐車夜探西奈山谷。在圓月既星空下，黑麻麻寂靜既山谷中，四個人躺在平坦既石頭上望着夜空閒聊。聽着埃及導遊深情地訴說他與異國情人無完美結局既現代愛情故事，我地既朋友就用英文講述嫦娥奔月既中國古老愛情傳說。大家年紀都唔細啦，仲有D咁既浪漫情懷！不過咁幾好吖！其實呢次己經係第二次夜探山谷啦！係埃及導遊主動减價說服我地再嚟架。睇嚟係呢個感性既導遊想我地陪佢去浪漫呀！諗翻都有D危險喎！不過呢D咁既浪漫氣氛，要配合天時地理人和，係旅行時才可以感受到呀！
2007年8月23日星期四
我的病人 - 無奈但滿足
今天上午還是超時才能完成門診。在門診中好似感受咗病人各種既人生體驗，感到有D緊張、有D壓力、感到人生既無奈，不過亦感到有D感動和滿足。做嘢啫，乜感覺咁複雜！
一個約七十幾歲都好精神既阿婆，無咩病不過睇咗我十幾年。每次都係嚟同我傾幾句，攞D維他命或開胃藥。佢會話："醫生好在你睇我 Ja，你真係好呀。下次咁耐先覆診既！" 我試過同佢講："你無病，唔駛覆診啦。" 不過佢唔意。在門診中我唔夠時間同佢傾多D。佢可能係獨居老人，嚟衛生中心可能想見多D人，係侯診室可以同其他人溝通吓，見醫生又可以傾訴吓。其實定期見醫生、量吓血壓、幾年驗一次血，可以早期診斷高血壓、糖尿病或者其他疾病，咁都係好既。
一個50歲既女病人，可能睇我都有10年啦。嚟睇頭暈、地中海貧血。為咗了解佢是否有家庭或情緒問題，於是問佢多D嘢。講講吓就好自然咁講咗佢既故事。佢19歲時由阿媽介紹認識當時係中國大陸既老公。佢阿媽話："佢係老咗D，大你18歲，不過佢係好男人嚟架。" 佢初時都唔鬼睬呢個男人，就算結緍初期都對佢無咩感覺。日子過吓過吓咁佢就鍾意咗呢個老公。於两地分隔時期，相聚後要離開時仲互相依依不捨添。個病人話："感情真係可以培養架！我老公對我好好呀！我有病又識得安慰我。" 有D感動呀！羨慕佢擁有一段細水長流既感情。三十年啦，仍然甘之如飴。睇嚟佢都無咩家庭問題。
一個85歲很瘦既婆婆，佢無咩血壓高、糖尿病、或者心臟病。佢次次嚟都係話："我周身好痛，郁少少都好辛苦呀！我幾時先可以死，唔駛辛苦呀！" 我唔知點答佢。對於咁老化既身驅，藥物又帮到佢幾多呢。由於無耐性等，佢個仔剛才係候診室嘈隆隆，之前又衝過入診室嘈，好躁呀！佢個仔都可能有好多既生活壓力。估計阿婆在家中都得唔到D咩既温暖。好無奈呀！
一個約40歲初診既女病人，幾年前睇過我。佢話有好多問題，頭唔舒服、睡不好、神經緊張呀.......等等。佢好想係第一次門診講曬所有問題。在十幾ニ十分鐘既時間內，我要令佢明白我唔可以係一次門診聽曬同解决曬佢所有既問題、要控制佢無條理既說話、寫我有條理既病歷、問佢我需要既疾病資料、做有需要既身體檢查、申請有關既化驗、開藥、約覆診，仲有候診室有幾個等咗個幾两個小時既病人，好大壓力呀！
做一個好既全科醫生好難呀！未必能解决病人既問題，好無奈啊！但仍能得到病人既信任，繼續維持良好而長久既關係，都有滿足感架！
一個約七十幾歲都好精神既阿婆，無咩病不過睇咗我十幾年。每次都係嚟同我傾幾句，攞D維他命或開胃藥。佢會話："醫生好在你睇我 Ja，你真係好呀。下次咁耐先覆診既！" 我試過同佢講："你無病，唔駛覆診啦。" 不過佢唔意。在門診中我唔夠時間同佢傾多D。佢可能係獨居老人，嚟衛生中心可能想見多D人，係侯診室可以同其他人溝通吓，見醫生又可以傾訴吓。其實定期見醫生、量吓血壓、幾年驗一次血，可以早期診斷高血壓、糖尿病或者其他疾病，咁都係好既。
一個50歲既女病人，可能睇我都有10年啦。嚟睇頭暈、地中海貧血。為咗了解佢是否有家庭或情緒問題，於是問佢多D嘢。講講吓就好自然咁講咗佢既故事。佢19歲時由阿媽介紹認識當時係中國大陸既老公。佢阿媽話："佢係老咗D，大你18歲，不過佢係好男人嚟架。" 佢初時都唔鬼睬呢個男人，就算結緍初期都對佢無咩感覺。日子過吓過吓咁佢就鍾意咗呢個老公。於两地分隔時期，相聚後要離開時仲互相依依不捨添。個病人話："感情真係可以培養架！我老公對我好好呀！我有病又識得安慰我。" 有D感動呀！羨慕佢擁有一段細水長流既感情。三十年啦，仍然甘之如飴。睇嚟佢都無咩家庭問題。
一個85歲很瘦既婆婆，佢無咩血壓高、糖尿病、或者心臟病。佢次次嚟都係話："我周身好痛，郁少少都好辛苦呀！我幾時先可以死，唔駛辛苦呀！" 我唔知點答佢。對於咁老化既身驅，藥物又帮到佢幾多呢。由於無耐性等，佢個仔剛才係候診室嘈隆隆，之前又衝過入診室嘈，好躁呀！佢個仔都可能有好多既生活壓力。估計阿婆在家中都得唔到D咩既温暖。好無奈呀！
一個約40歲初診既女病人，幾年前睇過我。佢話有好多問題，頭唔舒服、睡不好、神經緊張呀.......等等。佢好想係第一次門診講曬所有問題。在十幾ニ十分鐘既時間內，我要令佢明白我唔可以係一次門診聽曬同解决曬佢所有既問題、要控制佢無條理既說話、寫我有條理既病歷、問佢我需要既疾病資料、做有需要既身體檢查、申請有關既化驗、開藥、約覆診，仲有候診室有幾個等咗個幾两個小時既病人，好大壓力呀！
做一個好既全科醫生好難呀！未必能解决病人既問題，好無奈啊！但仍能得到病人既信任，繼續維持良好而長久既關係，都有滿足感架！
2007年8月13日星期一
我的病人 - 不想太認真
最近有點情緒低落。前天及昨天既周末都留在家中發霉。今天又要返工啦。
今天上午做門診時突然唔想太認真，於是襯住病人因接受檢查而情緒緊張就撩佢講嘢。"今日想食咩嘢呀？" "想煲湯。" 煲咩湯呀？" "豬肚、花膠、瘦肉、淮山、茨實湯。可以醫胃病架！D人話飲呢個湯唔駛食胃藥呀！" "係呀，係呀，應該幾好飲喎，揾日試吓先。" 病人無咁緊張咁就做完個檢查，大家又好開心咁分享咗一D嘢。不過個病人唔係嚟睇胃病既。
好，又睇第二個病人啦。講得咁開心，又襯住病人做檢查要分散佢注意力，就問佢："有無做嘢呀？" "無做嘢呀。買吓股票囉，聽D八婆話實賺到D架。去年賺咗十幾萬呀！有時一日又賺幾千蚊。" "有無仔女呀？" "唔駛理佢地囉，一個女22歲，一個女24歲。" "老公呢，唔駛理呀？" "Hei！D男人呀，唔知呀，費事裡呀。我傻吓傻吓咁，想食セ嘢就食乜嘢，遲D又去旅行啦。" "係囉，要扮蠢呀。" "係呀，係呀，傻傻地咪好囉。" 唔好話佢傻呀，佢可能唔識咩叫 EQ，但佢 EQ 好高。佢好聰明呀，識得扮唔知，最緊要自己開心，又識得好潚灑咁享受生活。
睇完上午既門診，個人好似輕鬆咗D。我地可以醫治病人，但有時從病人身上可以獲得心理輔導架。只要抱着客觀開放既態度，從每個人身上都可以獲得一些啟發或領悟。
今天上午做門診時突然唔想太認真，於是襯住病人因接受檢查而情緒緊張就撩佢講嘢。"今日想食咩嘢呀？" "想煲湯。" 煲咩湯呀？" "豬肚、花膠、瘦肉、淮山、茨實湯。可以醫胃病架！D人話飲呢個湯唔駛食胃藥呀！" "係呀，係呀，應該幾好飲喎，揾日試吓先。" 病人無咁緊張咁就做完個檢查，大家又好開心咁分享咗一D嘢。不過個病人唔係嚟睇胃病既。
好，又睇第二個病人啦。講得咁開心，又襯住病人做檢查要分散佢注意力，就問佢："有無做嘢呀？" "無做嘢呀。買吓股票囉，聽D八婆話實賺到D架。去年賺咗十幾萬呀！有時一日又賺幾千蚊。" "有無仔女呀？" "唔駛理佢地囉，一個女22歲，一個女24歲。" "老公呢，唔駛理呀？" "Hei！D男人呀，唔知呀，費事裡呀。我傻吓傻吓咁，想食セ嘢就食乜嘢，遲D又去旅行啦。" "係囉，要扮蠢呀。" "係呀，係呀，傻傻地咪好囉。" 唔好話佢傻呀，佢可能唔識咩叫 EQ，但佢 EQ 好高。佢好聰明呀，識得扮唔知，最緊要自己開心，又識得好潚灑咁享受生活。
睇完上午既門診，個人好似輕鬆咗D。我地可以醫治病人，但有時從病人身上可以獲得心理輔導架。只要抱着客觀開放既態度，從每個人身上都可以獲得一些啟發或領悟。
2007年8月5日星期日
2007年7月22日星期日
睇鯨鯊呀！
今年四月初去了菲律賓Donsol潛水。Donsol係著名既鯨鯊之都，而二月至五月鯨鯊就會係Donsol聚會架啦。
鯨鯊係全世界最大既魚，今次可以如此近距離興鯨鯊會面，差唔多可以輕撫牠，好開心呀！睇鯨鯊只係需要浮潛，唔駛潛水架，不過追鯨鯊幾消耗體力架。
每次出海睇鯨鯊大約需两小時。好，出船啦！着好蛙鞋、戴好潛鏡、咬住 Snorkel、坐穩船邊，準備好啦！仲有聚精會神、豎起耳仔，等船夫尋找鯨鯊蹤影。當船夫話"JUMP!"，就立即跳落水，追住個黑色物體，追到啦！就輕鬆咁陪住條鯨鯊遊水。有時伴住條鯨鯊游十幾二十分鐘佢都唔捨得走呀！有時一落水，就近距離咁见到個龐然大口，好似想 Kiss 你咁，好震憾呀！两小時以內跳水、游水、上水，都至少有十次架，都幾辛苦呀！有D團友話，下次嚟睇鯨鯊要領隊準備每人一壺朱古力奶，補充體力呀。今次只係出咗两次船睇鯨鯊 Ja，唔夠呀！
今次都幾特別係睇螢火蟲。其實我咁大個人好似未见過螢火蟲呀！今次十幾個人迫係隻爛鬼船到，又搞到周身泥，黑麻麻咁欣賞整棵樹密質質既螢火蟲，不過都覺得有D浪漫呀！
2007年7月20日星期五
2007年7月15日星期日
2007年7月12日星期四
繼續桂林之旅
再講番桂林之旅吖。其實桂林市內既著名景點唔駛去架啦。漓江既一日遊船河都可以 Skip 咗佢，又貴又商業化，隻船又多人，一D都唔悠閒。下次揀D係左近、話去就去、又靚又自然既地方渡假，去陽朔同龍脊梯田就得架啦。
今次只係坐住 Local Tour 既旅遊車遊陽朔，不過坐係架車裡面望出去都感覺到陽朔係一個好悠閒既地方。除咗D旅遊商業區，随處都係連綿不絕既小山呀、水呀、樹木呀，真係好似遠離世俗咁。唔怪得好多鬼佬唔走留係陽朔落地生根啦。係度住番幾日，尤其踩吓單車，好正呀！不過着住單車衫同單車褲，又帶埋個頭盔係陽朔踩單車又好似唔係幾襯度喎。
中國好多山都好靚，不過龍脊梯田靚得好特別。如果係山上住番D木屋幾日，日日望住D狹窄優美梯田，聞住D清新空氣，食住D農家味道既竹筒糯米飯、香芋炆筍、新鮮青菜、桂林米粉，仲有可以悠閒咁行吓山，嘩！個人都清新咗呀！真係要揾次試吓呀！
2007年7月7日星期六
星期六的午餐
今日上午游完水後心血來潮去買了新鮮牛柳、西生菜、麵包，然後返屋企好快咁搞咗個午餐比自己食。葡式沙律、煎牛柳、麵包、芝士、紅酒就成為我今日既午餐啦。其實係我第一次煎牛柳，唔知係块牛柳靚呀，定係我煎得好，块牛柳幾好食喎，不過块牛柳唔貴架。煎到有D生而無血水，而块牛柳仍然軟熟有牛味，正！不過一開始煎块牛柳時，幾危險呀，D火升到去抽油煙機咁高，嚇親呀！食完個午餐仲煲咗杯咖啡比自己飲，好似好嘆咁。睇來明天要再來一客牛柳。
有時一個人食野我仲會食好D，唔好刻薄自己。好似我會揀間舒服嘅餐廳，要服務好，有啱我口味而好嘅食物，然後坐低慢慢嘆。其實做得好辛苦之後，可以一個人靜靜地嘆番餐好嘅，唔駛揾野同人講，幾Relax架。而且一個人食野鍾意食セ就食乜，唔駛就人！其實我係咪有D自閉慨呢？
有時一個人食野我仲會食好D，唔好刻薄自己。好似我會揀間舒服嘅餐廳，要服務好，有啱我口味而好嘅食物，然後坐低慢慢嘆。其實做得好辛苦之後，可以一個人靜靜地嘆番餐好嘅，唔駛揾野同人講，幾Relax架。而且一個人食野鍾意食セ就食乜，唔駛就人！其實我係咪有D自閉慨呢？
2007年7月5日星期四
我的病人 - 激死我喇
今日番工幾憎呀。好似有個唔够五十歲來覆診既病人，唔記得抽血又唔記得照X光片，不過記得番來覆診喎。唉！頭先七十九歲個係咁，呢個四十幾歲既又係咁，浪費大家既時間，又浪費驗血既Quota，激死我啦！好肉緊咁鬧咗佢幾句，不過個病人唔嬲喎，仲話會用辦法記住D日子，下次唔會啦。唔得啦，收吓D火先，勞氣會傷身架！
越電腦化D醫生就越多濕碎野做。好似一個七十九歲廣東話又唔係幾好既病人，要解釋俾佢聽要去山頂照片，點樣嚟抽血，你話幾花時間呢！而出邊又有成堆病人等緊，好緊張呀！我一緊張就容易鬧人架啦，都係未够功力。
越電腦化D醫生就越多濕碎野做。好似一個七十九歲廣東話又唔係幾好既病人，要解釋俾佢聽要去山頂照片，點樣嚟抽血，你話幾花時間呢！而出邊又有成堆病人等緊，好緊張呀！我一緊張就容易鬧人架啦，都係未够功力。
2007年7月3日星期二
閒聊人生
昨晚將個Blog嘅website散出去，今日D朋友有反應，幾開心呀！
今日下午幾個同事發咗嗡風一陣。一個話有两個仔應該生多個女；一個話見到老豆年老多病，依加有地幾個女照顧，咁地幾姊妹無咁辛苦，而自己得一個仔，應該生多個，咁老咗有多D仔女照顧自己。係呀係呀，最近呢十年我都係咁認為呀。最好有個溫暖嘅屋企，有兩個仔两個女。不過人生唔可以翻轉頭，亦唔可以再來一次。我唸只可以係目前所擁有嘅狀况中令自己活得開心或者精彩。
對於我來講，首先做一D嘢令自己有較好嘅健康。咁我會做瑜珈啦，游水啦，盡量健康D嘅飲食啦。仲有維持一班好朋友啦，咁老咗就可以互相照顧。最好係我可以照顧人而唔駛人照顧，施比受更幸福呀。仲有要有D錢同可實現嘅夢想。
有朋友話昨日参加铁人比賽成績好過之前次，好開心呀！我都Tang 開心呀！欣賞D人唔會因為係一定年紀就話唔做呢D嘢唔做D嘢。最重要唔係囉驕人嘅成續，保持心境青春，努力呀！
我嘅桂林之旅末寫完架。係桂林陣時好似無咩感覺，依家想想吓仲有嘢寫喎，不過好夜啦，遲D先寫吖，仲會寫以前D其他旅程。
今日下午幾個同事發咗嗡風一陣。一個話有两個仔應該生多個女；一個話見到老豆年老多病，依加有地幾個女照顧，咁地幾姊妹無咁辛苦，而自己得一個仔，應該生多個，咁老咗有多D仔女照顧自己。係呀係呀，最近呢十年我都係咁認為呀。最好有個溫暖嘅屋企，有兩個仔两個女。不過人生唔可以翻轉頭，亦唔可以再來一次。我唸只可以係目前所擁有嘅狀况中令自己活得開心或者精彩。
對於我來講，首先做一D嘢令自己有較好嘅健康。咁我會做瑜珈啦，游水啦，盡量健康D嘅飲食啦。仲有維持一班好朋友啦，咁老咗就可以互相照顧。最好係我可以照顧人而唔駛人照顧，施比受更幸福呀。仲有要有D錢同可實現嘅夢想。
有朋友話昨日参加铁人比賽成績好過之前次，好開心呀！我都Tang 開心呀！欣賞D人唔會因為係一定年紀就話唔做呢D嘢唔做D嘢。最重要唔係囉驕人嘅成續，保持心境青春，努力呀！
我嘅桂林之旅末寫完架。係桂林陣時好似無咩感覺，依家想想吓仲有嘢寫喎，不過好夜啦，遲D先寫吖，仲會寫以前D其他旅程。
2007年7月1日星期日
桂林之旅
繼續講桂林之旅啦。其實對桂林之旅無特別期望，只因為有两天連着周末的假期，就揀一處又近又方便出發又未去過嘅地方，隨便地就去了桂林。第一次係珠海機場搭飛機呀。
桂林市無咩特別，但桂林人給我較好嘅印象。雖然桂林係一個很早開發嘅旅遊城市，但當地人看來仍較純樸。好似Ｄ的士司機咁吖，幾老實呀，無濫收車資。大部份當地人都做旅遊業，例如兩公婆都做的士司機，而個女就做導遊，聽口氣又嘅滿足現狀喎。
其他旅遊業現象就全世界差唔多。跟咗两個一日來回嘅 Local Tour，都係帶買嘢。漓江遊嘅嗰團，一開始上船前就帶你去買所謂貓眼石，係呢間店停咗一 個半鍾呀！D內地團友都唔耐煩，不過又無曹喎。我六點幾就起身啦，咁無聊企係度等咗咁耐，幾火滾呀，仲有導遊同司機都好似故意失踪咁。一見到個導遊出現，我就鬧咗两句。不過跟咗两個Local Tour，整體來講，D導遊都係負責任嘅，其中一個男導遊仲好有愛心添。
見到D靚妹內地遊客，又開咗眼界啦。地两個一組自由行，一身打扮好似日本妹韓國妹咁，好 In 呀。地都幾豪架，旅遊點D攝影師同地影人像相，幾十蚊張架！嘩，影咗厚厚一本。呢D就係內地有錢一族嘅下一代啦。應診去多D大陸自由行，體驗一下祖國嘅現况。
寫着呢嗰Blog睇着臺灣版嘅白色巨搭，首主題曲幾好聽 (劇集開頭首) ，幾鍾意D歌詞。
订阅：
评论 (Atom)