我的病人 - 激死我喇

今日番工幾憎呀。好似有個唔够五十歲來覆診既病人，唔記得抽血又唔記得照X光片，不過記得番來覆診喎。唉！頭先七十九歲個係咁，呢個四十幾歲既又係咁，浪費大家既時間，又浪費驗血既Quota，激死我啦！好肉緊咁鬧咗佢幾句，不過個病人唔嬲喎，仲話會用辦法記住D日子，下次唔會啦。唔得啦，收吓D火先，勞氣會傷身架！

越電腦化D醫生就越多濕碎野做。好似一個七十九歲廣東話又唔係幾好既病人，要解釋俾佢聽要去山頂照片，點樣嚟抽血，你話幾花時間呢！而出邊又有成堆病人等緊，好緊張呀！我一緊張就容易鬧人架啦，都係未够功力。