甜蜜的回報

朋友早幾天生日，剛出身既大仔請她及其他親人食飯，仲靜鷄鷄咁放咗份名牌香水生日禮物係佢床頭。佢好冧呀！好感動呀！個仔終於大個啦！

我好佩服呢個朋友架！佢好多年前放棄咗份穩定既政府工，投身於自己有興趣及富挑戰性既行業，幾勇呀！跟住多年來獨力咁養大两個仔 ，一直無怨無悔堅強咁生活。努力地做盡責既單身母親、盡心於事業、公餘亦發展有興趣既嗜好，我真係覺得佢好努力咁生活呀！依家個仔開始有回報啦！真係替佢開心呀！係呢D咁堅強既朋友身上可以獲得能量架！

其實每個人都有自己既故事，無論如何都要努力地生活呀！