前天與两個朋友在新橋區附近的素食店晚膳後，因爲食得好飽想行吓，三個女人就在新橋區遊遊蕩蕩。
十點幾喇，見到幾十年如一日在街邊賣桑寄生蛋茶既阿伯。見佢慢慢咁搞緊啲鷄蛋，而桑寄生茶就係度煲緊，要十一點幾先有桑寄生蛋茶賣呀！ "好想食阿伯既桑寄生茶喎！" "你阿媽住係附近，我地依家探你阿媽，然後返嚟食糖水囉。" 好吖，我地就去探伯母喇！
大約十一點二十分返嚟咯喎，嘩，有差唔多十個人排緊隊喇！阿伯仲係慢條斯理咁搞緊啲蛋茶，由得你地等囉！我地三條友就係擋口對面既大廈門口等，差唔多十一點四十分先有得食呀！我好似無咩試過坐係街邊地下食嘢喎！咁様食法啲桑寄生茶真係香好多，啲蛋又香滑啲喎！
哈哈，好享受如此的偶然閒情囉！！
3 条评论:
老伯伯是為了生活還是為了消閑而工作到深宵？香港一百萬人的故事，澳門呢？智思田
澳門應該有類似香港一百萬人的故事，不過相信比例會較低。
而我相信這個阿伯有某種執着，可能是執着於自食其力，又或者堅持住他畢生的事業....等等。我佩服他呀！
是的，就是執着，人生難得執着。智思田
发表评论